استور، ڈپٹی کمشنر استور کا رمضان المبارک میں اشیاۓ خوردونوش کی قیمتوں اور میعار کا جاٸزہ لینے کے حوالے سے یوٹیلٹی سٹورز سمیت مارکیٹ کا دورہ

استور، ڈپٹی کمشنر استور کا رمضان المبارک میں اشیاۓ خوردونوش کی قیمتوں اور میعار کا جاٸزہ لینے کے حوالے سے یوٹیلٹی سٹورز سمیت مارکیٹ کا دورہ
استور ( بیوررورپورٹ ) ڈپٹی کمشنر استور محمد ذوالقرنین خان نے رمضان المبارک میں اشیاۓ خوردونوش کی قیمتوں اور میعار کا جاٸزہ لینے کے حوالے سے یوٹیلٹی سٹورز سمیت مارکیٹ کا دورہ کیا۔ دورے کے دوران یوٹیلٹی سٹورز میں دستیاب اشیا کی قیمتوں سمیت میعار کا جاٸزہ لیا۔ یوٹیلٹی سٹورز میں موجود سٹاف سے اشیاۓ خوردونوش کی دستیابی اور خریداروں کو فراہمی کے حوالےسے دریافت کیا۔ اس موقع پر یوٹیلٹی سٹورز سٹاف نے بریفنگ دیتے ہوۓ کہا کہ رمضان المبارک میں پوری کوشش کی ہےکہ روضہ داروں کو اشیاۓ خوردو نوش رعایتی نرخوں پر فراہم کریں تاکہ حکومت کی جانب سے فراہم کردہ رعایتی سہولت سے عام عوام مستفید ہوسکے۔دریافت کرنے پر معلوم ہوا کہ کچھ روز سے یوٹیلٹی سٹورز میں چینی اور گھی کا دستیاب ذخیرہ ختم ہوا ہے جس سے روضہ داروں کو مشکلات کا سامنا ہے۔جس پر ڈپٹی کمشر استور نے یقین دہانی کراٸی کہ اس بابت یوٹیلٹی سٹورز کے ریجنل منیجر سے رابطہ کرکے مسلے کا حل نکالا جاۓ گا۔اور بعد میں رابطہ قاٸم کرکے اس حوالے سے آگاہ کیا گیا ہے۔ ڈپٹی کمشنر استور نے یوٹیلٹی سٹورز کے سٹاف کو ہدایت کی ہےکہ وہ اپنے سٹورز میں صفاٸی کا خاص خیال رکھیں۔صفاٸی کے حوالے سے کوٸی رعایت نہیں برتی جاۓ گی۔انہوں نے مذید کہا کہ سٹورز کے باہر گاہکوں کو ٹھرنے کے لیے مناسب بندوبست کیا جاۓ۔ڈپٹی کمشنر استور محمد ذوالقرنین خان نے مارکیٹ میں بھی اشیاۓ خوردونوش کی دستیابی، قیمتوں اور میعار کے حوالے سے جاٸزہ لیا۔ اور تاجروں کو کہا کہ وہ رمضان المبارک میں منافع کم سے کم رکھ کر روضہ داروں کو اشیا فراہم کریں جس سے ایک طرف کاروبار میں برکت ہوگی تو دوسری طرف روضہ داروں کو مناسب قیمت پر اشیا کی دستیابی یقینی بن جاۓ گی۔اس موقع پر رمضان المبارک کی تقدس کو مدنظر رکھتے ہوۓ رضاکارانہ طور پر رعایتی کاونٹر کھولنے والے تاجروں کا شکریہ ادا کیا اور شاباش دی.