غذر، محکمہ سیاحت کی بے حسی،ٹورسٹ پکنک پوائنٹ بھوت بنگلوں میں تبدیل،سیاحوں کو علاقے کے حوالے سے معلومات نہ ملنے پر سخت پریشانی کا سامنا، اعلی حکام کو اس محکمے کی ناقص کارکردگی کی شکایت کے باوجود کوئی نوٹس نہیں
غذر (بیورورپورٹ) غذر میں محکمہ سیاحت کی جانب سے کروڑوں روپے کی لاگت سے تعمیر ہونے والے ٹورسٹ پکنک پوائنٹ آثار قدیمہ کا منظر پیش کرنے لگے سیاحوں کی سہولت کی خاطر بنائے گئے یہ سیاحتی مقامات اب لاورث ہوکر رہ گئے ہیں یہاں آنے والے سیاحوں کو علاقے کے حوالے سے معلومات نہ ملنے پر سخت پریشانی کا سامنا کرنا پڑ رہا ہے جبکہ محکمہ ٹورازم نے شیر قلعہ پولیس چیک پوسٹ کے ساتھ ہی ٹورسٹ انفارمیشن سنٹرقائم کیا تھا اس کو بھی مہندم کر دیا ہے دوسری طرف محکمہ ٹورازم کا دفتر بھی ہر وقت ویران نظر آتا ہے یہاں آنے والے سیاحوں کو علاقے کے بارے میں معلومات نہ ملنے کی وجہ سے سخت پریشانی کا سامنا کرنا پڑ رہا ہے غذر میں ٹورسٹ پکنک پوائنٹ بھوت بنگلے بنے ہوئے ہیں غذر میں کروڑوں روپے کی لاگت سے سیاحوں کی سہولت کے لئے نصف درجن کے قریب پکنک پوائنٹ تعمیر کئے گئے تھے تاحال یہ پکنک پوائنٹ لاورث ہیں اور گرمی کے موسم میں بھی یہ پکنک پوائنٹ ویران نظر آتے ہیں جس کی اصل وجہ محکمہ سیاحت کی لاپرواہی ہے یہاں آنے والے سیاحوں کو سخت مشکلات کا سامنا کرنا پڑ رہا ہے گاہکوچ شہر میں ٹورازم کا دفتر ایسے جگہ بنایا گیا ہے جہاں اس دفتر کے بارے میں مقامی لوگوں کو پتہ نہیں غذر یہاں آنے والے سیاحوں کو علاقے کے حوالے سے انفارمیشن نہ ملنے کی وجہ سے سخت پریشانی کا سامنا کرنا پر رہا ہے دوسری طرف جو پکنک پوائنٹ بنائے گئے ہیں وہ بھی کھنڈرات میں تبدیل ہوگئے ہیں اعلی حکام کو اس محکمے کی ناقص کارکردگی کی شکایت کے باوجود کوئی نوٹس نہیں لیا جاتا ہے جبکہ گاہکوچ پکنک پوائنٹ تک جانے کے لئے ہر ساپل کی تعمیر پر لاکھوں روپے خرچ کرتے ہیں اگلے سال وہ پل دریا برد ہوجاتا ہے اب تک اس پکنک پوائنٹ سے محکمہ ٹورازم نے کچھ منافع تو نہیں کمایا البتہ پل اور اس پکنک پوائنٹ کی مرمت اور پل کی تعمیر پر حکومت کے خزانے کو لاکھوں کا نقصان ضرور پہنچایا ہے عوامی حلقوں نے وزیر اعلی گلگت بلتستان اور چیف سیکریٹری گلگت بلتستان سے اس حوالے سے نوٹس لینے کا مطالبہ کیا ہے۔
غذر، محکمہ سیاحت کی بے حسی،ٹورسٹ پکنک پوائنٹ بھوت بنگلوں میں تبدیل

Leave a comment