شاہراہ قراقرم اور بابوسر میں ٹریفک کے دو مختلف حادثات میں 7 سیاح جاں بحق اور ایک زخمی

کرولا کار نمبرACR-9922 بابوسر میں حادثے کا شکار،5سیاح موقع پر جانبحق ایک شدید زخمی،کے کے ایچ چلاس جلیپر کے مقام پر گاڑی نمبر AU66 گہری کھائی میں گرنے سے فیصل آباد سے تعلق دو سیاح جاں بحق ہوگئے
گلگت (بانگ سحر نیوز)شاہراہ قراقرم اور بابوسر میں ٹریفک کے دو مختلف حادثات میں 7 سیاح جاں بحق اور ایک زخمی ہوگیا۔ریسکیو1122دیامر استور ڈویژن کے مطابق کرولا کار نمبرACR-9922 بابوسر میں حادثے کا شکار ہوئی۔کار میں سوار 6سیاحوں میں سے 5سیاح موقع پر جانبحق اور ایک سیاح شدید زخمی بتایا جاتاہے جن کا تعلق خیبر پختون خواہ سے بتایا جاتا ہے۔زخمی سیاح کو ڈی ایچ کیو ہسپتال چلاس منتقل کردیا گیا ہے۔ جب کہ شاہراہ قراقرم چلاس جلیپر کے مقام پر گاڑی نمبر AU66 گلگت سے چلاس کی طرف جاتے ہوئے گہری کھائی میں گرنے سے فیصل آباد سے تعلق رکھنے والے دو سیاح جاں بحق ہوگئے۔ ریسکو 1122 زرائع کے مطابق ضلع دیامر کے حدود میں ہونے والے ٹریفک حادثات میں جاں بحق ہونے والے سیاحوں کی میتوں چلاس ہسپتال منتقل کیا جارہا ہے۔